Íbúgvar í Grindavík í Íslandi vórðu mikukvøldibð fluttir úr húsum sínum, eftir at fleiri enn 130 jarðskjálvtar vóru skrásettir í økinum. Skjálvtarnir elvdu til at tað for at goysa við Sundhnúk grynnuna.

Tað upplýsir íslendski miðilin RUV.

Fólkini á einum tjaldplássi í Grindavík og Bláa Lagununi eru eisini flutt burtur.

Ein talsmaður sigur, at løgreglan hevur koyrt runt í býnum fyri at kanna, um fólk, sum búgva í húsunum eru sloppin út haðani.

Minney Sigurðardóttir, serfrøðingur í náttúruvanda á Veðurstovu Íslands, tosaði við RUV mikumorgunin.

Hon segði at gosið hendi á einum hepnum stað, tí tað er ikki ein hóttan móti nøkrum undirstøðukervi og er langt frá sjálvt býnum Grindavík.

Enn eru ongar fráboðanir um, at útbrotið hevur havt við sær broytingar í flogferðsluni.

Býurin hevði fyrr umleið 4.000 íbúgvar, men er nú bert nøkur fá sum úrslit av endurtøkunum av gosunum. Talsmaðurin hevði ikki eitt nágreiniligt tal av fólki, sum býr í býnum nú.

Gosfjallið nærhendis Grindavík hevði ikki gosið í yvir 900 ár, áðrenn eitt gos byrjaði í mars 2021.

Sambært AFP er gosið mikudagin tað 12. á Reykjanes-hálvoynni seinastu fýra árini.

Landspolitiovastin í Íslandi hevur í samráð við løgregluovastin fyri økið avgjørt at hækka tilbúgvingarstøðið orsakað av útbrotinum.