Tað bleiv til eitt annað pláss, tá Sverri Sandberg Nielsen fyri løtu síðani róði hálvfinalu í EM-kappingini í Italia. Føroyski rógvarin kom næstur á mál beint aftanfyri týskaran Oliver Zeidler. Hetta annað plássið hjá Sverra Sandberg Nielsen var nóg mikið til, at hann kom víðari, og harvið er hann nú er klárur at forsvara heitið sítt sum evropameistari í A-finaluni, sum skal rógvast í morgin.

Hálvfinaluróðurin hjá føroyska rógvaranum á danska kappróðrarlandsliðnum bleiv stroymdur á heimasíðuni worldrowing.com, og nakrar myndir frá róðrinum eru her.