Sveisiska stjórnin hevur loyvt RUAG MOR, sum mennir tilfar til forsvarið og rúmdarflúgving, at selja 71 “Leopard 1” stríðsvognar til Týsklands við teirri treyt, at teir ikki verða víðariseldir til Ukraina. Hetta skrivar Swissinfo.

Stríðsvognarnir eru í løtuni í Italia, sum Sveis keyptu teir frá italska verjumálaráðnum í 2016.

RUAG MOR eigur tilsamans 96 stríðsakfør av hesum slagnum, byrjaði søgan um hesar stríðsvognar afturi í 2023. Tá bannaði sveisiska stjórnin at selja teir til Týsklands orsakað av ótta fyri, at teir fóru at verða fluttir til Ukraina sum liður í hernaðarhjálpini.

Hetta kemst av, at sveisisk lóg bannar veiting av hernaðarútgerð og tilfari til lond, sum eru við í vápnaðum stríðum. Tá elvdi henda avgerðin til kjak millum evropeiskar samstarvsfelagar, sum heittu á SECO (skrivstovan fyri búskaparmál) um at vera smidligari. ednaðist teimun at fáa hettar loyvi ígjøgnum.

Men stjórnin leggur enn dent á at Leopard 1-vognarnir ikki kunnu víðariseljast til Ukraina. Henda avmarking er framvegis galdandi í samsvari við neutralitetsregluna, sum Sveis heldur seg til í sínum uttanríkispolitikki.

Tað er enn ikki greitt um Týskland ætlar at brúka hesar stríðsvognar í Ukraina, ella um hettar er enn ein uppbygging av teirra forsvarið. Týskland ynskir, sum vit áður hava skrivað um, at byggja upp tann sterkasta herin í Evropa.

Sí nærri https://dimma.fo/grein/sterkasti-herurin-i-evropa