Fleiri skip komu til lands við fullum lastum, og virkini arbeiddu við fullari ferð.

Sambært tølum úr vinnuni komu fleiri av teimum størstu pelagisku skipunum inn við meira enn 1.000 tonsum hvør. Hetta er tekin um høgt virksemi í føroyskum sjógvi sunnanfyri.

Fleiri landingar fóru fram samstundis. Skip sum Fagraberg, Jupiter og Christian í Grótinum komu við stórum nøgdum av svartkjafti.

Christian í Grótinum hevði heili 3.450 tons og lá og bíðaði eftir landingartørni hjá Havsbrún. Samstundis landaði Fagraberg 2.750 tons - eisini til Havsbrún.

Jupiter landaði 2.400 tons av svartkjafti, meðan Norðingur hevði 1.100 tons, sum varð landað til Pelagos í Fuglafirði.

Á Tvøroyri lógu Vestmenningur og Tróndur í Gøtu og bíðaðu, meðan Finnur Fríði landaði. Tróndur í Gøtu hevði 1.450 tons, og Vestmenningur hevði 900 tons.

Sama kvøld kom Gøtunes við 1.350 tonsum av svartkjafti, sum skuldi landast til Varðan Pelagic.

Samlaða myndin vísir eitt høgt støði av framleiðslu í pelagiska geiranum.

Landingar til Havsbrún í viku 17 vóru hesar:

• Vestmenningur: 2.200 tons

• Birita: 900 tons

• Polar Ammassak: 1.850 tons

• Jupiter: 2.400 tons

• Fagraberg: 2.750 tons

• Christian í Grótinum: 3.450 tons