Annað jólakvøld er eitt av ársins heilt stóru veitslukvøldum, og løgreglan sigur, at tað var eisini rættiliga nógv fólk í býnum í nátt.

Tað var sum á ólavsøku, sigur løgreglan, men tey leggja afturat, at tað var stak friðarligt.

Tað einasta, sum fær eitt eftirspæl, er, at ein maður er tikin fyri harðskap. Hann hevur sligið ein annan og hann er handtikin.

Løgreglan sigur, at hann varð settur í brummuna og tá ið hann vaknar aftur, verður hann skuldsettur fyri harðskap og leyslatin. So verður málið endaliga avgreitt seinni.

Annars hevur løgreglan hjálpt nøkrum fólkum á føtur, sum hava ligið avdottin, so tey halda, at hetta veitslukvøldið spældi bara heilt væl av.