Tá Fíggjarmálaráðið og Landsbankin siga at vit ikki hava ráð til at gera Suðuroyartunnilin, eri eg als ikki samdur.

Mín meting er at Smyril kostar í dag umleið kr. 150 – 160 milliónir árliga, íroknað rakstur, viðlíkahald, umvælingar og endurnýggingar. Og sum tíðin gongur so vil hesin kostnaður av Smyrli verða uml. 200 mill. krónur um fimm ár. Ein nýggjur Smyril vil ikki kosta minni enn 1,5 -2,0 mill. krónur at byggja plus somu útreiðslur sum verandi Smyril.

Tí eiga vit at gera Suðuroyartunnilin sum skjótast. Hetta skal gerast somuleiðis sum eysturoyar- og sandstunnilin við eini fígging til alla verkætlanina, sum staturin møguliga kann veðhalda fyri.

Vit hava nevnliga ikki ráð til at lata verða við at gera Suðuroyartunnilin. Tí hesin tunnilin er ein loysn sum hevur nógv minni kostnað við sær, tá vit síggja 20-25 ár fram í tíðina. Tær 200 mill. krónurnar, sum smyril kostar um 5 ár saman við brúkaragjøldum kunnu gjalda Suðuroyartunnilin niður eftir 20-25 árum, ella møguliga áðrenn 20 ár.

Virðingarmest,

Debes Danberg