Eitt streymslit hevur í morgun rakt Norðoyggjar og partar av Eysturoynni. Sambært SEV, stavar trupulleikin frá einum feili í eini koblingarstøð í Kambsdali.

Fólk frá SEV eru á staðnum og arbeiða við at rætta feilin. Orsøkin kann vera eitt rele ella ein verjimekanisma, sum er farin.

Streymurin fór fyrst, stutt áðrenn klokkan 10.00 og aftur seinnu ferð klokkan10.30.

Væntast kann, at streymurin er afturkomin um ein lítlan tíma.