Støkkarar kappast í Estlandi
Sum fyrsta lið úr Føroyum fara tær í HM í estetiskum fimleiki at kappast í bólkinum, sum kallast short-programme
Fimleikafelagið STØKK
19. november 2024 kl. 13:45
Í morgun gekk leiðin hjá kvinnunum á Rósuni til Estlands, har HM í estetiskum fimleiki verður hildið.
Tær fara, sum fyrsta lið úr Føroyum, at kappast í bólkinum, ið kallast short-programme.
Vit eru ótrúliga spent at fylgja við, hvussu tað fer at gangast teimum, og ynskja teimum allar bestu eydnu.
Við teimum eru Beinta Gaardbo og Miriam Johansen sum venjarar, og Diana Jansdóttir Olsen er ferðasamskipari.
