Fyribils hevur tað verið rættiliga friðarligt á ársins Summarfestivali. Løgreglan sigur, at fríggjanáttina máttu tey, í onkrum føri, tosa fólk til sættis tí tey vóru komin til ilnar, men meiri spurdist ikki burtur úr tí.

Í morgun sigur løgreglan, at tað hevur verið steindeytt í Havn, í Vágum, í Sandoynni, og aðrastaðni í miðøkinum, og á summarfestivalinum hevur eisini verið stak friðarligt. Onkuntíð skuldu fólk tosast til sættis, men eingi mál spurdist burtur úr.

Tað fór at regna illa og tí varð skráin umskipað og tað elvdi til nakað av ófriði, tí nøkur vóru misnøgd við mannagongdina, eitt nú sluppu ikki øll, sum ætlaðu tað, í tjaldið at lurta eftir konsert.

Og ta einu løtuna mátti løgreglan hjálpa vaktarfólkunum at halda skil á, men tað vóru kortini ikki teir stóru trupulleikarnar, sigur løgreglan.