Bretski forsætisráðharrin, Keir Starmer, hóttir við at taka russiska oligarkin Roman Abramovitsj í rættin.

Abramovich seld fótbóltsliðiði Chelsea í 2022 og lovaði samstundis at peningurin frá søluni av felagnum, skuldi brúkast til at hjálpa ofrum fyri krígnum millum Russland og Ukraina.

2,5 milliardir pund eru tó framvegis frystar á einari bretskari bankakonto, orsakað av ósemju millum bretsku stjórnina og sakførararnar hjá Abramovich um, hvussu peningurin skal brúkast.

Keir Starmer segði við tjóðartingið mikudagin:

-Mín boðskapur til Abramovich er greiður: Klokkan tikkar.

Stjórnin vil hava at peningurin skal brúkast til humanitera hjálp, men Abramovich heldur fast við, at hann skuldi brúkast til øll offur fyri krígnum – tað vil siga, at russar eisini kunnu fáa gagn av teimum.