Hetta seinasta samdøgurið hevur verið stak friðarligt hjá løgregluni. Tey siga, at tað var ikki nógv fólk í býnum í Havn og tað einasta, løgreglan var blandað upp í, var tá ið eitt fólk var so ólátað á einum skeinkistaði í gjárkvøldið, at hann var til ampa fyri onnur og tí varð hann burturvístur.

Í Hósvík var nógv fólk samlað á bátastevnu, men eisini har var stak friðarligt. Í Vági er ljósfest og í Nólsoy er ovastevna, men haðani hevur einki verið at frætt.

Ein bilførari varð tikin fyri at koyra við kenning í Streymoynni í gjár.