Í minsta lagi 17 fólk doyðu og 24 fingu skaða í gjár, tá tann 140 ára gamli jarnbreytarvognurin Gloria funicular í Lissabon, bleiv avsporaður og rendi inn í ein bygning.

Vognurin er sera vælumtóktur millum ferðafólk og er eitt av symbolunum í býnum, sigur ein talsmaður fyri bráðfeingislæknatænastuna við tíðindafólk.

Tað eru eisini útlendingar ímillum tey deyðu, men enn er identiteturin ikki almennagjørdur

Myndugleikarnir eyðmerktu ikki ofrini ella upplýstu tjóðskap teirra, men søgdu, at nakrir útlendskir ríkisborgarar vóru millum tey deyðu. Fimm fólk fingu álvarsligan skaða, upplýsir talsmaðurin.

Tað er ein syrgiligur dagur fyri okkara bý, Lissabon er í sorg, tað er ein syrgilig, syrgilig hending, sigur Carlos Moedas, borgarstjóri í portugisiska høvuðsstaðnum við tíðindafólk.

Stjórnin í Portugal lýsti hósdagin at vera ein tjóðarsorgardag.

Sí Youtube