At ukrainska vápnaverksmiðjan verður sett á stovn í Danmark økir um vandan fyri, at spenta støðan við Russlandi fer at økjast enn meira.

Tað sigur talskvinnan hjá russiska uttanríkisráðnum, Maria Zakharova, sambært tíðindastovuni Reuters.

Hon sipar til verksmiðjuna sum skal framleiða rakettbrennievni til Ukraina, og sum verður bygd nærhendis Skrydstrup í Suðurjútlandi. Hol var sett á verkætlanina mánadagin tá fyrsta torvið bleiv grivið upp.

Danska stjórnin kunngjørdi ætlanirnar við verksmiðjuni í september.