Bilasølan heldur fram at minka. Tað vísa nýggjastu tølini hjá Akstovuni yvir bilasøluna í fyrsta ársfjórðingi í ár.

Í fyrsta ársfjórðingi í ár vórðu 243 nýggir persónbilar seldir í Føroyum og tað eru 24,3 prosent minni enn í fyrsta ársfjórðingi í fjør tá ið 321 nýggir persónbilar vórðu seldir í Føroyum.

Eyðvitað er eisini nakað selt av øðrum bilum, men tey tølini eru so lítil, at tey gera ikki nevniverdan mun í tølunum.

Eisini sølan av brúktum bilum, sum verða innfluttir til Føroya, er nógv fallið.

Í fyrsta ársfjórðingi í ár vórðu 32 brúktir persónbilar innfluttir til Føroya og seldir her og tað eru heili 88 prosent minni enn í sama tíðarskeiði í fjør tá ið 120 brúktir bilar vórðu innfluttir.