Seinnapartin í gjár fekk løgreglan fráboðan um eitt óhapp á molanum í Havn.

Sjógvur var komin í ein smábát, sum hevði borið við Molan. Men maðurin, sum var einsamallur í honum, slapp sær í land, men hann royndi halda bátinum so frægt uppi, at hann ikki fór heilt til botns.

Bjargingarskipið, Tjaldrið, kom til hjálpar, og arbeiðsbáturin hjá Tjaldrinum fekk sleipað hann inn í Álaker.

Løgreglan sigur, at tey vita ikki reiðiliga hví sjógvur kom í bátin um tað var tí at hann sigldi á Molan og fór at leka, ella um tað kanska vóru aldur frá onkrum øðrum báti, sum gjørdi, at sjógvur kom í hann - ella um tað var okkurt heilt annað, sum var orsøkin.

Hann hevði ikki nakrar sjónligar skaðar, so tað eru viðurkifti, sum skulu kannast. Men løgreglan sigur, at rúsdrekka var í hvusu so er ikki uppi í.