Í gjár hendi eitt ferðsluóhapp á skálafjørðinum, á strekkinum ímillum Skipanes og Skálafjørð.

Ein bilur var á veg inn eftir, tá ið førarin misti tamarhaldið á bilinum so at hann fór út av.

Løgreglan sigur, at bilurin fór rættiliga illa. Tvey fólk vóru í bilinum, men tey kláraðu sjálvi úr bilinum og sóu ikki út til at hava fingið stórvegis mein av óhappinum.

Men av trygdarávum vórðu tey kortini flutt á Landssjúkrahúsið til kanningar. Løgreglan sigur, at tey vita ikki, hví førarin misti tamarhaldið á bilinum.