Donald Trump, forseti, var skundaður av pallinum óskaddur, undir einum tíðindafólkabirðhaldi fyri tíðindafólk íøúr Hvítu Húsunum í Washington, DC, eftir at skot vórðu latin av.
Borðhaldið var hildið í Hotellinum Washington Hilton.
Ein álopsmaður vápnaður við haglbyrsu, hondbyrsu og fleiri knívum, skeyt og rakti ein embætismann í Secret Service. Hann er útskrivaður úr sjúkrahúsinum aftur, kúlan rakti hansara skotsikra vest.
Myndugleikarnir hava eyðmerkt tann illgrunasama at vera Cole Tomas Allen. Hann er 31 ára gamal og úr Kalifornia. Hettar siga fleiri keldur við CNN.
Hann verður ákærdur fyri at hava brúkt skotvápn og hava lopið á ein mann við hættisligum vápni, sigur amerikanski løgreglumaðurin, Jeanine Pirro.
Sambært fleiri altjóða miðlum hevur Cole Tomas Allen tey seinastu seks árini, starvast sum parttíðarlærari hjá C2 Education. Tað er ein fyritøka, sum bjóðar próvtøkufyrireiking og undirvísing.
Sama fyritøka útevndi Allen "Mánaðins lærara" í desember 2024. Tað stendur í einum uppslagi á hansara Facebook-vangamynd.
