Sjúrður Skaale hevur í dag vunnið so stóran sigur á fólkatingsvalinum, sum eingin nakrantíð áður hevur vunnið, og sum tað undan valinum bar illa til at ímynda sær fór at bera til.
Í 1988 setti Finnbogi Ísakson met í persónligum atkvøðum. Hann var einsamallur á listanum hjá Tjóðveldisflokkinum og fekk 4422 persónligar atkvøður.
Enn er úrslitið í størsta valstaðnum, sum er í Havn, ikki endaliga upptalt. Men tað er greitt, at Javnaðarflokkurin hevur vunnið fyrra sessin, og at Sjúrður Skaale er endurvaldur. Persónliga atkvøðutalið hjá honum táttar í 11 túsund.
Í kvøld hevur tað í løtum nærkast, at Javnaðarflokkurin fór at vinna báðar sessirnar. Enn er tað ikki endaliga greitt, men tað sær út til, at Sambandsflokkurin fer at fáa seinna umboðið, og at tað verður Anna Falkenberg, sum er er afturvald. Persónliga valið hjá henni er framúr. Hon hevur fingið omanfyri 5300 persónligar atkvøður, og harvið hevur hon í dag fingið fleiri persónligar atkvøður, enn nakar nakrantíð áður hevur fingið á fólkatingsvali í Føroyum.
Burtursæð frá Sjúrði Skaale, ið hevur fingið fleiri enn tvær ferðir so nógvar atkvøður sum hitt fólkatingsumboðið, ið Sambandsflokkurin sær út til at hava vunnið.
