Landsstýriskvinnan í uttanríkis- og mentamálum alt annað enn fagnar tíðindunum um, at danska fólkatingið játtar pengar at fíggja Oyggjaleikirnar í Føroyum í 2027. Tað sigur hon á facebook vanga sínum.
Sirið Stenberg er forkvinna í Tjóðveldi og landsstýriskvinna í uttanríkis – og mentamálum. Hon sigur soleiðis, nú Anna Falkenberg fólkatingskvinna fyri Sambandsflokkin so fegin ber tíðindini um, at tað er partur av fíggjarlógarsemjuni í Danmark, at 2,5 milliónir eru játtaðar til Oyggjaleikirnar í Føroyum:
Hetta líkist ongum!
Tá ið avgjørt var, at oyggjaleikir skulu vera í Føroyum játtaði løgtingið ta upphæddina, sum tey søgdu leikirnir kostaðu. Hvørja krónu!
Oyggjaleikir, og mentanarpolitikkur, hevur onki við fólkatingið at gera. At føroysk fólkatingsumboð reypa av hesum er skammuligt.
Alt kann ikki vera til sølu!
Harvið er Sirið Stenberg samd við Tórbjørn Jacobsen borgarstjóa í Runavíkar kommunu, sum fyrr í dag gav ilt av sær um hetta sama.
.webp)
