Joanna Rubinstein, sum higartil var forkvinna í svenska UNHCR, hevur sagt seg úr starvinum eftir Epstein-málið. Hetta váttar Ulrika Belin, samskiftisleiðari fyri deildina í Svøríki við Expressen.

Hon leggur frá sær eftir at samskifti millum hana og Epstein var avdúkað í teimun mongu skjølunum, sum sóu dagsins ljós fríggjadagin. Har sæst at hon saman við familjuni hevur vitjað Epstein á hansara privatu oyggj.

Epstein var longu í 2008 dømdur fyri at hava handlað unga gentur. Hann sat tá inni í13 mánaðir.

Í einum telduposti frá 26. desember 2012 takkaði Joanna Epstein fyri hansara gestablídni:

- Túsund takk fyri ein frálíkan døgurða og ein seinnapart í paradis. Tað var ein eyka gleði fyri meg, at endiliga hitta teg persónliga, skrivaði hon.

Trý ár eftir vitjanina á privatu oynni gjørdist Joanna Rubinstein stjóri á amerikansku deildini hjá felagsskapinum World Childhood Foundation, sum berjist ímóti kynsligum ágangi móti børnum.

Sí Samrøðu við Joannu um kynsligan ágang móti børnum.