NSÍ og Nikola Kovacevic enda samstarvið. NSÍ og Nikola Kovacevic eru komin ásamt um at enda samstarvið. Felagið ynskir honum alt tað besta í framtíðini.

Soleiðis skrivar NSÍ í dag – dagin fyri fyrsta umfar í landskappingini. Í morgin fær NSÍ vitjan av Víkingi.

Serbiski verjuspælarin kom til Runavíkar fyri fáum vikum síðani, men tað vísti seg, at hann var ikki nóg væl fyri at vera við í fyrireikingunum til nýggja kappingarárið.

Tá skrivaði NSÍ annars soleiðis um serbiska verjuspælaran:

NSÍ hevur skrivað sáttmála við serbiska leikaran Nikola Kovacevic. Sáttmálin við 31 ára gamla verjuleikaran er galdandi fyri kappingarárið 2026.

Nikola er uppvaksin í serbiskum fótbólti, har hann hevur leikt við fleiri feløgum í bestu serbisku deildini. Harumframt hevur hann seinastu árini leikt í bestu deildunum í Montenegru, Lettlandi, Lybia og Indonesia.

192 cm høgi serbin fer at styrkja um verjupartin hjá NSÍ. Nikola er sterkur í luftini, kroppsterkur og er dugnaligur at lesa spælið.