Í gjár var løgreglan víða um á meginøkinum fyri at kanna ferðsluna. Og tá ið tey komu heim aftur, høvdu tey givið seks bilførarum klipp í koyrikortið, umframt at teir fingu bót.

Norðan fyri varð ein bilførari tikin fyri at brúka hondhldna fartelefon ímeðan hann koyrdi. Tað kostar honum 1.500 krónur í bót, umframt at hann fær klipp í koyrikortið.

Harumframt fingu fimm bilførarar bót og klipp í koyrikortið fyri at koyra ov skjótt. Teir vórðu allir tiknir á strekkjum í Fuglafjørði, Hvalvík og við Kollafjarðartunnilin, har tað er loyvt at koyra 80 og teir koyrdu allir ímillum 102 og 106 kilometrar um tíman.