Hóast vit kanska ikki hoyra so nógv um Orknoyggjar í tí dagliga, eru sambond ímillum oyggjabólkarnir hóast alt.
Graham Campbell sum býr í Kirkwall er sjálvboðin hjá Kirkwall Lifeboat Station.
Hann legði í 2022 myndir á Facebook, har hann vísti blómutyssi og skriv, sum støðin tá fekk úr Føroyum frá Rescue Lív.
-Í dag fekk Kirkwall bjargingarbáturin eitt deiligt yvirraskilsi úr Føroyum.
Hendan vakra blómukurvin varð latin støðini frá Rescue Liv í Føroyum, fyri at hátíðarhalda okkara 50 ára dag.
Vit eru fegin um at fáa hesa deiligu heilsuna frá okkara vinum í Føroyum, skrivaði hann tá.
Í dag gav Graham, sum eisini er fotografur, okkum loyvi at brúka nakrar av hansara myndum úr Facebook.
Sí hansara Facebook og Instagram, har hann hevur fleiri flottar myndir
Myndirnar niðast í greinini lýsa, hvussu man hevur fyrireikað og gjørt tað festligt í Kirkwall, áðrenn leikirnir byrja.
Føroyar hava, fyri uttan oyggja- og víkingakulturin, eisini tað til felags við Orknoyggjum, at bæði londini hava hoyrt undir danskt og norskt kongsvald.
Orknoyggjar hoyrir í dag undir Skotland, men síggja seg sjálvi, eins ov føroyingar, sum "Orcadians fyrst" ella "Orkadianara fyrst"
Av nútímans sambondum kunnu nevnast
Norðurlendska samstarvið:
Bæði Orknoyggjar og Føroyar luttaka í Norðurlendska Atlantssamstarvinum (NORA), sum stuðlar samstarvinum í Norðuratlantiska økinum.
Felags áhugamál:
Vit hava líknandi landafrøðiligar eginleikar, mentanararv og ynski um sterkari økismenning.
Møguleiki fyri framtíðar samstarvi:
Orkney kannar síni norðurlendsku sambond og umhugsar alternativar stýrismodellir, sum møguliga kunnu føra til tættari sambond við Føroyar og aðrar norðurlendskar tjóðir.
Samskiftisleinkjur:
SHEFA-2 undirsjóvarkaðalin, knýtir Føroyar og Shetland saman við meginlandinum Skotlandi, íroknað Orknoyar.
Myndir: Graham Campbell
