Eitt dronuálop hevur rakt eitt oljuverk langt inni í Russlandi í dag, leygardag.

Tað sigur guvernørurin í Bashkortostan-landslutinum, Radiy Khabirov, sambært Reuters, á Telegram.

- Í dag var fyritøkan Bashneft fyri yvirgangsálop av flogfarslíknandi dronum, skrivar hann.

Sambært guvernørinum er skaðin á verkinum "avmarkaður" og eingin er deyður.

Videobrot á X, vísa eina dronu, sum skal hava rakt virkið í býnum Ufa, sum liggur 1.400 kilometrar frá markinum til Ukraina.

Videobrotið vísur ein stóran eldkúlu har dronan rakar.