Flest allir føroyingar hava sæð hvussu góður málmaður Mattias Lamhauge er, tá hann verjur málið hjá landsliðnum.

At FC Fredericia, har Mattias spælur til dagligt, eisini eru sera nøgdir við teirra føroyska málmann, sæst á teirra Facebook-vanga, har teir bert hava rós at bera honum.

Eftir viðmerkingunum at døma, eru viðhaldsfólk og aðrir viðmerkjarar púra einig.

"2 altjóða dystir fyri Føroyar við heitinum 'besti spælari í dystinum' og óivað eisini okkara týdningarmesta maður í dystinum í gjár - nú eisini á Team of the Round í 3F Superligun,i og harvið fyrsti málverjin í søguni hjá FC Fredericia at fáa slíkan heiður", skriva teir á Facebook.