Uppdatering!

Russiska verjumálaráðið hevur vátta hendingina.

Fyri nøkrum døgum síðani  byrjaðu rygtir at koma fram, millum ymiskar russiskar hernaðarbloggarar. 

Tey ljóða uppá, at russiski forsetin, Vladimir Putin, nærum bleiv dripin í einum ukrainskum álopið.

Einki er offisielt váttað, men ein danskur serfrøðingur hevur lisið tað, sum var skrivað á ymsum bloggum og sosialum miðlum.

Putin var týsdagin 20. mai í vesturrussiska økinum Kursk á vitjan. Júst tað økið hevur verið útsett fyri einari stórari ukrainskari herferð, har fleiri hundrað ferkilometrar vóru hersettir av ukrainskum hermonnum.

Men ukrainska framgongdin inn í Kursk hevur leingi verið í afturgongd, og fyri nøkrum vikum síðani kundi Russland hátíðarhalda, at tað hevði blakað ukrainsku herdeildirnar heilt úr økinum.

Til tess at markera hetta, vitjaði russiski forsetin í Kursk, sum liggur uppát greinsuni til Russland, 20. mai. Men okkurt bendir á, at tað kundi hava gingið heilt galið hjá forsetanum.

Fyri nøkrum døgum síðani kundu ein røð av russiskum hernaðarbloggarum lýsa, hvussu tyrlan Putin brúkti ímeðan hann var í økinum, var álopin av einum ukrainskum dronu-svermi.

Spurningurin er tó, um ukrainska álopið var beinleiðis ætlað russiska forsetanum. Óvist er, um ukrainar yvurhøvur viðstu at hann var umborð á tyrluni.

Droni-álopið, sum sigst bleiv skotið niður av russiskari loftverjuni, er ikki offisielt staðfest. Hvørki av Ukraina ella Russlandi.