Hendan vikan verður nýtt til royndarmakking fyri gestir ið hava keypt sær atgongd á hópfígging. Gestirnir í kvøld vera millum tey fyrstu, ið sleppa at royna Paz - áðrenn matstovan letur upp. Eisini vera tey við til at geva afturmeldingar, sum matstovan síðani kann menna seg víðari útfrá.
Hetta verður ein møguleiki hjá starvsfólkunum at finna sína rytmu og finna út av hvat skal justerast. Bæði tá tað kemur til matin og hølið sjálvt.

Poul Andrias væntar góða móttøku. Bókingarskipanin er opna og fleiri bókingar eru longu komnar inn.
Enn eru smálutir sum mangla at koma uppá pláss, men Paz er sera væl móttikið og fólk vísa stóran áhuga.

Á matskránni er royndarsmakking. Tað merkir, at tú kanst ikki koma inn og bíleggja tær nakað úr matskránni, men tað verður borðreitt við 16 ymsum rættum, sum taka áleið 3 tímar at koma ígjøgnum.

Við tøttum samstarvi við veiðifólk, bøndir og aðrar framleiðarar vil Poul Andrias tryggja, at hvør rættur sýnir framm tað besta, ið Føroyar hevur hevur at bjóða.

Paz opnar fyri almenninginum 9 apríl og kemur at hava opið frá mikudag til leygardag frá kl. 18.00