Ongi úrslit

Pætur Petersen til B36

26 ára gamli skálvíkingurin fer aftur at spæla við B36

Ragnar Sjúrðarson
21 tímar síðan

Pætur Petersen hevur undirskrivað sáttmála við B36.

Tað kunngerð B36 á Facebook.

B36 skrivar víðari:

"Pætur er orkuríkur álopsspælari, ið kann spæla á øllum teimum framrættaðu plássunum.

26 ára gamli skálvíkingurin spældi sínar fyrstu dystir í bestu deildini fyri B36. Sum smádrongur flutti hann úr barndómsfelagnum B71 til B36 at spæla, og her var hann í útivið fimm ár í alt ta ferðina. Undir Eyðuni Klakstein sum høvuðsvenjara fekk hann sínar fyrstu minuttir á besta liðnum í 2015.

Pætur hevur eisini spælt fyri EB/Streym, HB, KA Akureyri og KÍ. Og nú er hann so aftur í B36.

- B36 er heimligt fyri meg, og tað kennist væl og rætt at vera aftur í B36-húsinum. Hetta eru eisini spennadi broytingartíðir í felagnum, og eg eri fegin um stóra áhugan, sum felagið hevur víst mær, sigur hann.

Hann hevur eisini spælt 11 landsdystir og skotið tvey mál fyri Føroyar. Tann seinasta í september í fjør.

Pætur verður við í hópinum, tá menninir spæla venjingardyst ímóti TB klokkan 13.00 í dag."

Mest lisið hesa vikuna

80 ára gamal og má búgva í bilinum

3. mai kl. 21:00

Nýmótans teknikkur fekk bil at koyra sikksakk - bilførarin meldaður

3. mai kl. 09:19

Sissal fingið forboð til Eurovision-sangkappingina

2. mai kl. 17:08

Astrið Foldarskarð er nýútbúgvin fangavørður

6. mai kl. 22:25

Tað er púra skeivt at seta ungdómin upp ímóti Suðuroyartunnilin

6. mai kl. 14:00

Løgtingsmaður: Børn hjá støkum mammum eru í størri vanda fyri at verða kriminell

2. mai kl. 09:05