Tað hevur fleiri ferðir frammi, at nú verður tað skjótt, at tað eisini fer at bera til at brúka mobile-pay í Føroyum.

Sagt varð, at allar løgfrøðiligu forðingar vóru beindar av vegnum og tær tøkniligu forðingarnar, sum vóru, fóru at verða beindar av vegnum.

Men tað gongur ongan veg - og nú sigur Sirið Stenberg, landsstýriskvinna í vinnumálum, at nú er tað ein spurningur, um vit yvirhøvur fáa mobil-pay í Føroyum.

Tað er ikki tí, at nøkur beinleiðis forðing er fyri tí - men tað er ein fíggjarligur spurningur.

Tað er tí, at av tí, at vit ikki eru limir í ES og Efta og tí skal veitarin, sum hevur mobil-pay um hendi, søkja danska fíggjarmálaráðið um loyvi at seta hesa tænastuna í verk í Føroyum.

Og hon leggur afturat, at tað fer helst at føra til bæði eykaarbeiði og eykakostnað.

Og tað skilst at veitarin er ikki ordiliga sinnaður at brúka ta arbeiðsorku, sum krevst, ella at hava tær eykaútreiðslur, sum standast av at fáa mobil-pay á ein pikkalítlan marknað, sum okkara.

Her er tað, at málið liggur í løtuni, men Sirið Stenberg staðfestir, at hon fer at fylgja málinum upp.