Geopolitiski analytikarin Mikkel Rosenvold frá Real Vision sigur, at mótálopini hjá Iran kunnu gera nakað, sum hevur nógv breiðari ávirkan enn áður sæð. Eisini kann tað fáa víðfevndar avleiðingar - bæði geopolitiskt og búskaparliga.
Iranska mótálopið er nógv breiðari og øðrvísi enn tað seinasta. Við álopum á Abu Dhabi og Dubai, gera teir knappliga amerikanska álopið til eina økisstríðsgongd, sigur hann og leggur afturat:
- Fyri Abu Dhabi og Dubai er tað ein katastrofa, um tað ikki longur er eitt stað, har tú sleppur undan ósemjunum í Miðeystri, men um Dubai verður ein krígsvøllur.
Rosenvold vísir á, at Donald Trump, forseti, hevur gjørt greitt, at USA ynskir at náa hesum:
-at steðga kjarnorkuætlanini hjá Iran
-at steðga rakettstyrkini hjá Iran
-at oyðileggja iranska sjóverjuna
-at iranar sjálvir avtaka prestastýrið.
Sambært Mikkel Rosenvold snýr akkurát sjóverjan seg um pengar. Nógvir pengar, tí
Kann Iran hótta skipaferðsluna har, so kann tað senda oljuprísin upp, fraktin upp - og í síðsta enda prísin upp, og tað er nakað, sum fer at ávirka restina av heiminum. Í ein ávísan mun fara vit at kunna síggja tað á fíggjarmarknaðunum beinanvegin.
- Vit fara at síggja, at prísurin á olju- og orkugoymslunum fer at hækka nógv mánadagin, sigur Mikkel Rosenvold, sum vísir á, at tað í longdini kann raka danir(og harvið føroyingar, red.)
Um stríðið heldur fram, kann tað trýsta orkuprísin upp, men har eru vit ikki enn, sigur hann.
