Felagsskapurin OECD, sum fæst við altjóða handil og samstarv, roknar við góðum vøkstri í heimsbúskapinum í ár og næsta ár. 

Í mai roknaði OECD við, at vøksturin í heimsbúskapinum í ár fór at verða 3,1 prosent. Nú hevur felagsskapurin kvinkað útlitini í ár og næsta ár upp á 3,2 prosent. Tað verður roknað sum nøktandi, tó uttan at vera serliga gott. 

Sum heild er heimsbúskapurin sterkur, og inflatiónin er støðugt minkandi, sigur OECD.

Støðan er langt frá tann sama í øllum londum. Eitt nú hevur Týsklandi verri útlit enn fleiri onnur lond. Í fjør gekk týski búskapurin aftur við 0,1 prosenti, og OECD roknar við 0,1 prosent vøkstri í ár. Men í 2025 verður roknað við vøkstri um eitt prosent í Týsklandi. 

Inflatiónin er á veg niður aftur, og OECD roknar við, at í 2025 er inflatiónin aftur komin á tað støðið, sum londini ynskja, at hon skal vera.