Ongi úrslit

Nýtt Føroyskt "Fantasy Football" spæl á alnótini

Tíðindaskriv
25. mars kl. 10:41

Fantasilið gevur nýtt lív til Betrideildina
Hvør heldur tú hevur mest skil fyri føroyskum fótbólti? Tú, ein av tínum vinum, ella ein av tínum starvsfeløgum? Nú er ikki neyðugt at kjakast um tað longur, tí við nýggju heimasíðuni fantasilið.fo ber til at fáa svar.

Fantasilið er eitt ókeypis føroyskt spæl, har tú kanst samanseta títt egna lið við spælarum frá Betrideildini hjá monnum og kappast við vinir, starvsfelagar og allar føroyingar. Í stuttum, so velur tú 15 leikarar úr Betrideildini hjá monnum á títt lið, og eftir hvørt umfar fært tú stig fyri, hvussu væl leikararnir kláraðu seg. Á heimasíðuni kanst tú fylgja við hvat lið hevur mest stig, og eisini er møguligt at gera tína egnu deild, so tú kanst kappast móti vinum og starvsfeløgum.

Fantasilið er grundað á Fantasy Football hugtakið, og brúkar sama leist sum Fantasy Premier League, sum hevur yvir 11 mió. brúkarar.

Verkætlanin er stuðlað av Vinnuframa, Nema og LÍV, og er gjørd í samstarvi við Fótbóltssamband Føroya, sum veitir hagtølini til spælið.

Fantasilið kann nýtast á heimasíðuni fantasilið.fo.

Mest lisið hesa vikuna

80 ára gamal og má búgva í bilinum

3. mai kl. 21:00

Nýmótans teknikkur fekk bil at koyra sikksakk - bilførarin meldaður

3. mai kl. 09:19

Sissal fingið forboð til Eurovision-sangkappingina

2. mai kl. 17:08

Astrið Foldarskarð er nýútbúgvin fangavørður

6. mai kl. 22:25

Tað er púra skeivt at seta ungdómin upp ímóti Suðuroyartunnilin

6. mai kl. 14:00

Løgtingsmaður: Børn hjá støkum mammum eru í størri vanda fyri at verða kriminell

2. mai kl. 09:05