Fólk undir pensjónsaldur við demens, skulu ikki detta niður í millum skipanir hjá landi og kommunum.

Hesin málsetningurin er nú rokkin við 3. viðgerð í løgtinginum í dag.

- Í góðum samstarvi við kommunala geiran fingu vit gjørt tað soleiðis, at frá 1. januar 2026 skulu fólk undir pensjónsaldur við demensi og teirra avvarðandi ikki longur kunna enda sum ósemjur millum landið og tað kommunala. Nú hava kommunurnar ábyrgdina, sigur Eirikur í Jákupsstovu, ið til og við sunnudagin var landsstýrismaður í Almannamálum.

Hann sigur í somu viðmerking, at hetta er tað størsta, ið er rokkið á almannaøkinum farnu mánaðirnar.