Tað endaði við málleysum javnleiki, tá ið KÍ í kvøld hevði vitjan av Víkingi í síðsta dystinum í 22. umfari.
KÍ er framvegis topplið, og KÍ er framvegis favorittur at vinna FM, men seinastu umførini er munurin millum toppliðið og NSÍ, sum er næsti avbjóðarin, av álvara minkaður.
Í trimum teimum seinastu umførunum hava úrslitini hjá NSÍ verið 3-1 á heimavølli ímóti FC Suðuroy og á útivølli ímóti EB/Streymi og 3-0 á heimavølli ímóti TB. NSÍ hevur vunnið 9 stig við málmuninum 9-2.
Í trimum teimum seinastu umførunum hava úrslitini hjá KÍ verið 0-0 á heimavølli ímóti bæði HB og Víkingi og 2-0 á útivølli ímóti FC Suðuroy. KÍ hevur vunnið 5 stig við málmuninum 2-0.
KÍ hevur 57 stig fyri 21 dystir, og NSÍ hevur 51 stig fyri 22 dystir. KÍ eigur útsettan dyst ímóti EB/Streymi, sum verður mikukvøldið í næstu viku.
Skráin hjá teimum báðu fremstu liðunum fram til kappingarlok sær soleiðis út:
KÍ: EB/Streymur (h), EB/Streymur (ú), B68 (ú), 07 Vestur (ú), TB (h) og NSÍ (ú)
NSÍ: B68 (ú), 07 Vestur (ú), B36 (h), HB (ú) og KÍ (h)
Fyrsta ábendingin um, hvussu tað fer at tørna út, fæst næstu stóru vikuna. Fríggjakvøldið fer NSÍ út á Toftir, og sunnudagin og mikudagin fara KÍ og EB/Streymur at spæla – fyrst í Klaksvík og síðani í Hólmanum á Eiði.
Í 27. og síðsta umfari, sum verður leygardagin 25. oktober, fær NSÍ vitjan av KÍ. Um úrtøkan hjá teimum báðum fremstu næstu umførini verður, sum hon hevur verið trý tey seinastu umførini, so er tað møguleiki fyri finalu um FM í síðsta umfari.
KÍ – Víkingur 0-0
Dómari: Alex Troleis
KÍ: Mark F. Jensen – Jóannes Kalsø Danielsen, Odmar Færø, Gaston Nicolas Tellechea, Daniel Johansen – Árni Frederiksberg, Hallur Hansson, Jákup B. Andreasen, René Shaki Joensen – Páll A. Klettskarð, Patrik Johannesen
Víkingur: Bárður á Reynatrøð – Ari Olsen, Ingi Arngrímsson, Arnbjørn Svensson, Bergur Gregersen – Jákup Johansen, Arnór Brandsson, Ragnar Skála – Sølvi Vatnhamar Jørgen Nielsen
KÍ | 21 | 18 | 3 | 0 | 68 | 10 | 57 |
NSÍ | 22 | 16 | 3 | 3 | 80 | 27 | 51 |
HB | 22 | 15 | 4 | 3 | 54 | 33 | 49 |
Víkingur | 22 | 9 | 7 | 6 | 32 | 25 | 34 |
B36 | 22 | 9 | 5 | 8 | 33 | 35 | 32 |
EB/Streymur | 21 | 6 | 6 | 9 | 22 | 37 | 24 |
B68 | 22 | 6 | 5 | 11 | 28 | 48 | 23 |
07 Vestur | 22 | 4 | 1 | 17 | 27 | 41 | 13 |
FC Suðuroy | 22 | 4 | 1 | 17 | 20 | 59 | 13 |
TB | 22 | 2 | 5 | 15 | 22 | 71 | 11 |
23. umfar
Fríggjadagin 19. september
B68 – NSÍ: Joona Manninen kl. 18.30
Leygardagin 20. september
HB – FC Suðuroy: Jákup Øssursson Mohr kl. 17.00
Sunnudagin 21. september
KÍ – EB/Streymur kl. 15.00
Víkingur – 07 Vestur kl. 15.00
TB – B36 kl. 14.15
