NSÍ spennir seg út.

Í kvøld boðar felagið frá, at nýggjur høgri vongverji verður í gula og svarta búnanum. Talan er um landsliðsspælaran Jann J. Benjaminsen, sum flytur úr B36 og til NSÍ.

NSÍ skrivar soleiðis:

Jann J. Benjaminsen hevur í kvøld skrivað undir ein 2 ára sáttmála við NSÍ. Landsliðsleikarin kemur aftur til NSÍ, har hann í 2016 fekk sítt gjøgnumbrot í bestu deildini hjá monnum. Í 2021 fór hann til Noregs, har hann í tvey ár leikti við IL Hødd, og so hevur hann tvey tey seinastu árini spælt við B36.

FaroeSoccer veit at siga, at 27 ára gamli Jann J. Benjaminsen hevur spælt 154 landskappingardystir í bestu deildini og skorað 17 mál. Í altjóða liðfótbólti hevur hann spælt 18 dytstir og skorað eitt mál. Jann J. Benjaminsen hevur spælt seks landsdystir og skorað eitt mál.