Í heyst fáa ung filmsáhugað  aftur møguleikan at luttaka á Nóllywood – eini árligari filmslegu, har ungar og skapandi sálir, savnast í Nólsoy at gera ein film frá grundini.

Legan verður hildin frá 11 til 19. oktober 2025, og er ætlað ungum í aldrinum 14 til 18 ár, sum hava hug at royna seg innan filmsgerð.

Tað er Filmsverkstovan Klippfisk, sum skipar fyri leguni, og tey leggja dent á, at eingin forkunnleiki krevst. Tað einasta, ið krevst, er áhugi.

Tey sum eru áhugaði og ynskja at tilmelda seg, kunnu senda ein teldupost til [email protected] við hesum upplýsingum:

- navn

- aldur

- teldupostur

- navn og tlfnr. hjá foreldrum ella verja