Í gjár var løgreglan á landsvegnum í Norðragøtu og kannaði ferðsluna. Hetta er eitt strekki, har tað er loyvt at koyra 80.

Har vórðu ikki færri enn níggju bilførarar tiknir. Ein fekk 1.500 krónur í bót, og klipp í koyrikortið, fyri at brúka hondhildna fartelefon ímeðan hann koyrdi.

Annars vórðu átta bilførarar tiknir fyri at koyra ov skjótt. Sjey av teimum vórðu skrivaðir fyri at koyra beint undir 100, so teir fáa bót. Men tann seinasti varð skrivaður fyri at koyra upp ímóti 110, so hann fær eisini eitt klipp koyrikortið, umframt bótina.