Nevndin í Starvsfelagnum hevur nú skipað seg eftir aðalfundin er fyri. Tað hendi á nevndarfundi í dag og har varð Biritu Fritleifsdóttir Kjærbæk, afturvald sum næstforkvinnu. Nevndin er sostatt óbroytt eftir aðalfundin, sum var 1. mars, har tveir nevndarlimir stóðu fyri vali. Sessirnir hjá Hildigerð Djurhuus og Hergeir Staksberg skuldu veljast, og tey bæði vórðu afturvald uttan mótvalevni.

Nevndin er mannað við Súna Selfoss, formanni, Biritu Fritleifsdóttir Kjærbæk, næstforkvinnu, Borgný Mohr, Hildigerð Djurhuus og Hergeir Staksberg, nevndarlimir.

Tveir tiltakslimir vórðu eisini valdir á aðalfundinum. Fyrsti tiltakslimur er Bjørg Jacobsen og annar tiltakslimur er Maud Karbech Mouritsen.

Sum tiltakslimir eru tær til reiðar at taka sæti í nevndini, skuldi tað hent at nevndarlimir fara frá í ótíð ella fara í longri farloyvi.