Mikudagin varð sáttmáli undirskrivaður millum Christianskirkjuna og Articon um arbeiðið at skifta tekjuna í Christianskirkjuni.

Sunnvard Andreasen, stjóri í Articon, og Maria Olsen, forkvinna í kirkjuráðnum, skrivaðu undir sáttmálan í kirkjukjallaranum.

Farið verður eftir ætlan undir arbeiðið í vár.

Sáttmálin við Articon ljóðar uppá knappar 14,9 milliónir kr. Harumframt fevnir verkætlanin um aðrar kostnaðir til eitt nú projektering, ráðgeving, eftirlit o.a.