Aftur í gjár var løgreglan á ferð við ferðmátaranum. Hesa ferð vóru tey á vekastrekkinum í Kambsdali, har bilar ofta koyra alt ov skjótt.

Tað gjørdu teir eisini í gjár, tí løgreglan tók ein bilførara fyri at koyra alt ov skjótt, tí hann varð skuldsettur fyri at koyra næstan 140 um tíman.

Tað merkir, at hann missur koyrikortið, umframt at hann fær eina bót upp á einar 4.000 krónur.

Tveir aðrir bilførarar fingu klipp í koyrikortið, umframt bót, fyri at koyra ímillum 101 og 110 kilometrar um tíman.