Danska forsætisráðfrúðan er sum tann einasti danskarin á ársins lista hjá Forbes yvir valdsmiklastu kvinnum í heiminum.

Amerikanski vinnumiðilin almannakunngjørdi í dag listan, sum fevnir um 100 kvinnur.

Mette Frederiksen er nummar 78 á ársins lista, eitt vet longri niðri enn í fjør, tá hon var nummar 72.

Hyggur man einans at kvinnum í politikki, er danska forsætisráðfrúðan nummar 14.

Ovast á listanum er ES-nevndarforkvinnan, týska Ursula von der Leyen, fyri triðju fer upp í slag.

Millum aðrar toppolitkarar er italska forsætisráðfrúðan, Giorgia Meloni, á einum triðja plássi, meðan íslendski forsetin, Halla Tómasdóttir, er nummar 93 á listanum yvir heimsins valdsmiklastu kvinnur.

Tað eru ikki bara politikkarar á listanum. Eisini eru kvinnur úr vinnulívinum og undirhaldsvinnuni, sum sambært vinnumiðlinum eru valdsmiklar.

Amerikanska sangarinnan Taylor Swift liggur nummar 23, verturin Oprah Winfrey nummar 33 og sangarinnan Beyoncé er nummar 35.