Bjørt Samuelsen deilur myndir á Facebook, av jaligaru løtu í Tingsalinum. Nú ber betri til hjá fólki í koyristóli, til dømis Kai Leo Holm Johannesen, at koma á røðarapallin.

Bjørt skrivar:

-Stór løta í tingsalinum í dag, nú lyftan til røðarapallin loksins er komin uppá pláss.

Kaj Leo Holm Johannesen fekk høvið at vera fyrstur at royna pallin í koyristóli. Eri so sera fegin um, at enn eitt stig er tikið fyri at gera Løgtingið betri atkomiligt fyri allar borgarar.

Góð atkoma er ein fyritreyt, skulu vit røkka málinum um janvnsettan rætt og møguleika til at luttak í fólkaræðinum.

Takk fyri løtuna, Kaj Leo - gleði meg til at hoyra tína fyrstu røðu av nýggja pallinum um nakrar dagar. Fegnist eisini um stóra áhugan frá miðlunum.