Ongi úrslit

Løgtingið eigur at viðurkenna Palestina sum egið ríki

Áki Bertholdsen
31. juli kl. 11:50

Løgtingið eigur at viðurkenna Palestina sum egið ríki.

Tað heldur Høgni Hoydal, tingmaður fyri Tjóðveldi.

Løgtingi viðgerð ólavsøkurøðuna hjá løgmanni og í tí sambandi tók Høgni Hoydal støðuna í Gaza fram.

Hann sigur, at støðan í Gaza er størsti sorgarleikur í hansara tíð í politikki, har endamálið er at gera av við palestinar.

Og hann heldur, at landsstýrið hevur verið ov afturhaldandi í hesum sambandi. Men hann fegnast kortini um, at Landsstýrið nú hevur boðað frá, at tey taka undir við áheitanini um at kríggið skal fáa eina enda alt fyri eitt.

Men annars heldur hann, at Løgtingið eigur at gera sum Ísland og Noreg, og onnur hava gjørt.

Sostatt heldur hann, at Løgtingið eigur rætt og slætt at boða frá, at palestinar eiga at fáa sítt egna ríki og samstundis eigur Løgtingið at viðurkenna Palestina sum sjálvstøðugt ríki

Eyðvitað er Jenis av Rana ikki samdur, tí hann heldur, at hetta er at hálova Hamas, sum lupu á Ísrael í oktobur í 2023 drupu 1.200 fólk og og tóku einar 250  gíslar.

Høgni Hoydal sigur, at bæði Ísrael og Hamas hava sama endamál, og tað er at útrudda fíggindan - men tað er ein hugsunarháttur, hann aldrin tekur undir við

Hann staðfestir, at hann hevur aldrin gjørt annað enn at fordømt yvirgangsálopið hjá Hamas. Men hann heldur ikki, at tað kann ikki rættvísgera at Ìsrael hevur dripið 30.000 børn og nóg onnur vanlig fólk.

Hann heldur, at tað hevði Jenis av Rana aldrin gjørt sjálvur, sum menniskja,

– Hevði onkur lopið á tína familju, hevði tú ikki farið soleiðis fram og hevði útruddað eitt heilt fólk og hungrað børn til deyðis, helt Høgni Hoydal fyri við Jenis av Rana.

Mest lisið hesa vikuna

Skal ungdómurin eggjast at droyma kommersielt?

Í gjár kl. 23:43

Stolnir málningar á rótikassanum

28. august kl. 13:32

Nú er neyðugt at verða serliga varin tá ið farið verður eftir nátungum

26. august kl. 12:15

Tvær bygdir í Suðuroy fáa grind í dag

8 tímar síðan

Suðuroyartunnilin vendir Suðuroynna á høvdið

14 tímar síðan

Eingin ábending um at menn rýma úr Føroyum undan skatti

27. august kl. 12:00