Nú um vikuskiftið hava tvey innbrot verið í Havn. Í fyrra lagi varð brotið inn í PE-Handilin í Sigmundargøtu og har er ymiskt stolið.

Løgreglan sigur, at eitt eindur av peningi er stolið. Har hevur løgreglan kannað umstøðurnar og har hava tey tryggja sær ymsar lutir, sum skulu kannast fyri DNA.

Talan er um ymiskt, innbrotstjóvirnar hava lagt eftir seg og ymiskt, sum tey síggja, teir hava havt á hondum, men sum teir hava latið liggja, umframt annað.

Somuleiðis varð brotið inn í endurnýtsluhandilin hjá hjálparfelagsskapinum, Reyða Krossi, á Bryggjubakka í Havn. Tað er óvist, hvat tjóvarnir hava tikið, men har eru vakmyndatól og løgreglan fer at kanna myndirnar á teimum.