Tá ið Havnar Handverkarafelag hevur aðalfund mikukvøldið, er tað greitt, at tey skulu hava nýggjan formann.

Havnar Handverkarafelag er 75 ár og hendan aðalfundin brúkar formaðurin, Kristian Eli Brimsvík, til at takka fyri seg.

Nú hevur hann verið formaður í Havnar Handverkarafelag í 25 ár, so nú heldur hann, at hann hevur gjørt sína skyldu.

– Vit hava eisini brúk fyri at fáa nýtt blóð í felagið, sigur hann.

Samstundis hevur hann fylt 67 ár, so nú heldur hann, at stundin er komin at lata yngri kreftir sleppa framat.

– Nú fari eg at brúka tíðina, eg havi eftir til okkurt annað og tí stilli eg ikki upp aftur til formansvalið, sigur Kristian Eli Brimsvík.

Men hann heldur, at hetta, sum tað skal vera, tí hesi 25 árini, hann hevur verið formaður, hava verið góð - men til tíðir eisini avbjóðandi.

Hann stúrir kortini ikki fyri at hann fer at keða seg sum pensjónistur. Hann hevur konu og hús, og hann hevur eisini børn við húsum, og abbabørn, so tað verður nokk at takast við, heldur hann.