Landsstýrið fer nú at leggja uppskot fyri Løgtingið, sum skal forða teimum í at brúka ov nógvar pengar.

Tað er eitt uppskot um eitt fíggjarpolitiskt regluverk, sum skal forða teimum í at hækka útreiðslurnar sum teir vilja.

Ella, sum onkur hevur orðað tað: Teir vilja bjarga samfelagnum undan politikarum.

Eftir uppskotinum, sum Ruth Vang fer at leggja fyri Løgtingið seinni í heyst, stendur, at sum heild kunnu rakstrarútreiðslurnar ikki hækka meiri enn eitt prosent um árið - umframt vanligan prísvøkstur og lønarvøkstur.

Uppskotið fevnir ikki um alt tað almenna, heldur ikku um kommunurnar.

– Í fyrstu atløgu er ætlanin at fáa regluverkið at virka hjá landinum. Men síðani verður arbeitt við, hvussu, og nær, alt tað almenna kann verða fevnt av skipanini.

Somuleiðis verður arbeitt víðari við eisini at sta mark fyri lántøku og at seta krøv um bygnaðarligt avlop.

Samstunds hevur hetta við sær, at íløgurnar kunnu ikki verða hægri enn tað, sum er ásett í samtyktu løguætlanini.

Tað merkir, at hvørt ár, fyri 1. apríl, skal Landsstýrið leggja uppskot fyri Løgtingið um eina íløguætlan.

Aðalmálið við løguætlanini er at fáa politiska semju um hvørjar íløgur skulu gerast tey næstu árini, og í hvørjari raðfylgju tær skulu gerast.