Landsstýriskvinnan í uttanríkismálum, Sirið Stenberg, sigur í samrøðu við Kvf í dag, at við rættinum hjá Ísrael at verja sínar borgarar, fylgir eisini ábyrgd innan fyri altjóða lóg og rætt.

Man skal tryggja tað at neyðhjálp skal sleppa fram, og at sivil fólk ikki líða. At undirstøðukervið verður varðveitt osfr. Tí er tað øguliga ræðandi, tað vit síggja í løtuni, heldur hon.

Her sipar hon til tær ræðandi myndirnar vit síggja ì miðlunum úr Gaza, og tað at neyðhjálpin ikki kemur fram til tey sum skullu hava hana.

Siri Stenberg nevnir eisini at tað gongur hart útyvir sivil, eisini børn og at tað humanitera eins væl og lóggávan skal fylgjast, eisini í einari krígsstøðu.

Eingin heldur at støðan er nøktandi, heldur ikki í okkara grannalondum. Øll eru í einari bíðistøðu.

Vit hava ikki sjálvi heimild til at seta nakað í verk ímóti Ísrael, men vit lurta eftir hvat grannalondini siga um tað.

Landsstýrið ynskjur sjálvandi eina vápnahvíld og tað man helst sær fyri sær er, at man etablerar ein tvey-stats loysn, sigur landsstýriskvinnan.

Hoyr samrøðuna her https://kvf.fo/greinar/2025/05/30/sirid-stenberg-israel-hevur-raett-verja-seg