Grønlendski uttanríkisráðharrin, Vivian Motzfeldt, úr flokkinum Siumut, hevur ikki neyðturviliga brúk fyri Danmark sum hjásitara, tá uttanríkisráðharrarnir úr Danmark og Grønlandi hittast við amerikanska starvsfelagan, Marco Rubio, í næstu viku.

- Hvat hevði verið galið við at vit hildu fundir við USA einsamøll? Eg gangi út frá, at vit (Danmark og Grønland) hava nøkur felags virði og politikk, sum bæði londini standa fyri, sigur vivian Motzfeldt við DR.

Enn er ógreitt, hvar og júst nær fundurin verður.