Seinnapartin í gjár hendi eitt ferðsluóhapp í Kaldbak, har ein traktorur var farin út av vegnum, og var koppaður.

Løgregla og bjargingarfólk komu á staðið og fingu føraran úr traktorinum.

Men løgreglan varnaðist, at førarin var ikki heilt edrúur og tí varð hann biðin um at blása. Og tá slóð mátarin út.

Førarin varð sendur á Landssjúkrahúsið til kanningar í samband við óhappið og í sama viðfangi varð so blóðroynd tikin av honum fyri at staðfesta promilluna.

Hann er nú skuldsettur fyri rúsdrekkakoyring og úrslitið av blóðroyndini verður so avgerandi fyri, hvør revsingin verður.