Charles kongur og Camilla drotning lendu í Washington D.C. á degnum fyri Amerikanska 250-árs óavhangigheit frá Onglandi. Hettar er teirra fyrsta amerikanska statsvitjan sum kongshjún.

Kongaliga vitjanin var annars spádd at møguliga blíva avlýst, eftir skotálopið á borðhaldið hjá tíðindafólkum frá Hvítu Húsunum. Men so var ikki og kongshjúnini komu til USA í dag, við øktari trygd og smærri tillagingum í teirra tíðarætlan, skrivar BBC.

Donald Trump segði í síðstu viku, at ríkisvitjanin hjá Charles kongi og Camillu drotning, kann vera við til at bøta um viðurskiftini millum Bretland og USA.

Tá Trump var spurdur í telefonsamrøðu við BBC, um vitjanin kundi hjálpa til at viðgera sambandið, segði hann:

-Absolutt. Hann er fantastiskur. Hann er ein fantastiskur maður. Absolutt er svarið ja. Eg kenni hann væl, eg havi kent hann í áravís, segði hann.

Hann er ein djarvur maður, og hann er ein frálíkur maður. Tað vildi absolutt verið positivt, segði hann at enda.